ГШ на Армијата ги осуди обидите за нејзино инволвирање во дневно политички цели
Генералштабот на Армијата најостро ги осудува сите обиди за нејзино инволвирање во дневно политички цели и интереси. Армијата е институција која континуирано е со највисок рејтинг во општеството и препознаена од сите граѓани во нашата држава.
Ова се вели во денешната реакција од ГШ на Армија по, како што стои, зачестеното објавување написи во некои електронски медиуми и изјави во кои се посочува Армијата во обид на нејзино инволвирање и ставање во контекст на дневно политички цели не става во ситуација каде чувствуваме потреба да реагираме на ваквите активности.
– Генералштабот ќе продолжи фокусирано да ги спроведува предвидените реформски процеси во Армијата согласно високите НАТО стандарди, воедно грижејќи се за зачувување на безбедноста на граѓаните, суверенитетот и државниот интегритет на нашата држава, стои во реакцијата од Генералштабот на Армијата.
Почитувањето на Уставот, законите и институциите во општеството, се подвлекува, се основата на демократските вредности преку кои е изразена волјата на граѓаните, при што Армијата е гарант на тие вредности.
– Генералштабот, кој раководи и командува со Армијата нема да дозволи било какво инволвирање за дневно политички цели и интереси на поединци во институциите и политички субјекти во општеството. Армијата и раководството е свесно и очекува наскоро граѓаните да го изберат новиот Претседател и нивен Врховен командант, а од сите политички субјекти да добие вистинска поддршка и достоинствен третман за подобрување на условите за живот и работа на нејзините припадници во функција на исполнување на дефинираните критериуми и стандарди како 30 членка на НАТО алијансата, се вели во денешната реакција од Генералштабот на Армијата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација