Груевски: Оставаме огромни средства во Буџетот
Во Буџетот на Република Македонија оставаме огромни средства на новото парламентарно мнозинство за разлика од 2006 година кога имаше само три милиони евра кога влеговме во Владата, но и десетици подготвени извршувања на добиени тужби од компании кои со месеци чекале да се активираат откако ќе започне со работа новата влада.
Ова го истакна лидерот на ВМРО-ДПМНЕ Никола Груевски во одговор на прашање по увидот во градежните активности за реконструкција на делот од автопатот од Скопје кон Куманово, нагласувајќи дека тоа е разликата меѓу ВМРО-ДПМНЕ и СДСМ.
- На почетокот од неделава во Буџетот на Република Македонија имаше на располагање 180 милиони евра, а откако Уставниот суд донесе одлука за исплаќање на субвенциите за земјоделците околу 50 милиони евра ќе одат за исплата на земјоделски субвенции, изјави Груевски.
Појасни дека во 2006 година само што влегле во Владата се активирале десетици извршни решенија на изгубени судски рочишта што ги имала претходната влада на СДСМ поради што тогаш новата влада на ВМРО-ДПМНЕ била блокирана.
- Тоа е начинот на кој работи СДСМ, а ние им оставаме околу 130 милиони евра на располагање. Ме загрижува што СДСМ уште не составиле влада, а веќе бараат изговори за нивното работење коешто ќе следува, зашто немаат никаква сериозна програма и план што ќе работат, рече Груевски.
Нагласи дека буџетскиот дефицит годинава досега изнесува само еден процент што, како што рече, е еден од најниските буџетски дефицити во историјата на Македонија.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања