Груевски: Новата програма за рурален развој со двојно повеќе средства од претходната
Новата Програма за рурален развој ќе овозможи реализација на 221 проекти во 81 општина во вредност од 39 милиони евра, средства обезбедени од Владата. Целта на Програмата е унапредување на животните услови на руралните и други мали населени места, изјави денеска во Берово премиерот Никола Груевски.
Програмата за рурален развој, како што посочи, е една од поважните во рамки на Програмата на Владата.
- Во минатото имавме многу инвестиции во овој дел, а сега со новата Програма очекуваме уште повеќе инвестиции во многу општини. Во 81 општина доделени се решенија чија што вредност е околу 39 милиони евра со кои што ќе се направат 221 проект. Тие се од различна природа, но се однесуваат само на руралните средини, претежно на помали населени места, рече премиерот Груевски, одговарајќи на новинарско прашање по посетата на ОУ „Никола Петров Русински“ во населено место Русиново, Беровско.
Станува збор, нагласи, за патишта помеѓу локален пат, некој поголем пат, патишта внатре во села, различни пристапни патишта, водоводи, канализациски мрежи, паркови, плоштади во помали гратчиња,...
- Се работи за исклучително корисна програма која ќе се реализира во наредната година, година и половина до максимум две, нагласи премиерот Груевски .
Тој посочи дека практично се доделени решенија на речиси сите општини за рурален развој без оглед на партиската припадност на градоначалниците, а се имаат предвид понудените проекти.
- Сите градоначалници коишто се подготвени со проекти добија можност да користат средства од страна на Владата за изградба на различни проекти во нивните општини во вредност од 39 милиони евра. Оваа Програма е одлична можност и шанса за помалите општини да изградат патчиња, водоводи, канализациски мрежи, паркови и се друго што им е потребно и е од значење за квалитетот на живот на луѓето кои живеат таму, потенцира премиерот.
Целта на Програмата, додаде, е да се зголеми квалитетот на животот на граѓаните во руралните средини и помалите населени места затоа што општините каде што тие гравитираат најчесто немаат силни буџети и немаат можност да ги исфинансираат овие работи поради што Владата им нуди директна помош.
Со претходната Програма на Владата за рурален развој беа обезбедени средства во висина од 20 милиони евра.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово