Груевски го посети обновениот манастир Зрзе за чија реконструкција и пат се вложени 3,1 милион евра

Повеќе годишната обнова на манастирот во Зрзе е финализирана, а направен е и новиот пристапен пат.

На барање на жителите но и свештените лица од манастирот Владата преку министерствата за култура и транспорт и врски во овие два проекти инвестирала 3,1 милион евра.

Претседателот на владејачката партија Никола Груевски вчера попладне го посети манастирот каде се изградени нови а обновени старите конаци.

Преку археолошките истражувања беше пронајдена ранохристијанска базилика од 4 век, но подоцнежни наоди го покажуваат и присуството на Св. Климентовите  ученици на просторите на Зрзе.

Владиката Климент вели дека обновата на манастирот и изградбата на патот помогнаа за значително зголемување на бројот на посетители.

Во меѓувреме во текот на вчерашниот ден почна и обновата на опожарениот манастир Трескавец во Прилеп.

Министерството за култура за обнова на опожарените конаци ќе инвестира 2 милиони евра.

Пред две години кон Трескавец беше изграден нов пат за што беа влежени 1.4 милиони евра.