Груби се сретна со германската амбасадорка Алтхаузер
Претседателот на собраниската Комисија за европски прашања Артан Груби денеска имаше средба со амбасадорката на Германија Кристине Алтхаузер на која било разговарано за состојбата и политичката сцена во земјата, спорот за името, јазичната еднаквост, системските реформи и интеграцијата во НАТО и ЕУ, соопшти собраниската Комисија за европски прашања.
- Пратеникот Груби и се заблагодари на германската амбасадорка за големата поддршка на Берлин и нејзината лична поддршка за оформување и создавање на една демократска Македонија која ќе биде целосно интегрирана во НАТО и ЕУ. Беше укажано за улогата што ја имаше германската амбасадорка Алтхаузер за време на политичката криза која беше многу конструктивна и во исто време пријателски натроена кон земјата и граѓаните, стои во соопштението.
Груби, како што се наведува, зборуваше и за различните идеи за решавање на прашањето за името и побара помош од Берлин за надминување на овој предизвик, со што, изрази уверување за решавање на споровите во Скопје преку системските реформи.
Претседателот на собраниската Комисија, исто така, рекол дека постигнувањето на еден компромис за добивање на покана за членство во НАТО го отвора патот на одржлива стабилност во земјата и регионот.
Соговорниците разговарале и околу јазичната еднаквост во согласност со Охридскиот Договор, се наведува во соопштението.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација