Гризман против Роналдо и Бејл во трката за најдобар фудбалер на Европа

 

УЕФА денеска ги објави имињата на тројцата кандидати за престижното признание најдобар на „Стариот континент“ за минатата сезона, откако минатиот месец беа објавени имињата на десетмината  играчи кои добија најмногу гласови од новинарите од 55 земји.

 

Тројцата фудбалери беа дел од финалето во Лигата на шампионите, но за разлика од Гризман, фудбалерите на Реал, Роналдо и Бејл имаа причина за радост бидејќи Реал го победи градскиот ривал Атлетико Мадрид. 

 

Кој ќе биде прогласен за најдобар во изминатата сезона ќе се знае на церемонијата која ќе се одржи во Монако на 25 август за кога е закажана и ждрепката за групната фаза во новата сезона за Лигата на шампионите.