Грците испраќаат околу четири милиони смс пораки седмично за излегување од дома
Околу четири милиони смс пораки се испраќаат секоја седмица во Грција, за излегување од дома за време на карантинот, според министерот за дигитална политика Кирјакос Пиеракакис.
Пиеракакис, говорејќи за телевизијата „Скај“ рече дека минатата седмица, кога беа отворени продавниците имало за 13 отсто зголемен број испратени смс пораки во споредба со претходно.
Од 7 ноември кога беше воведен карантинот во Грција, граѓаните, при секое излегување од дома потребно е да испратат смс порака и да изберат една од шесте понудени опции.
Со отворањето на продавниците минатиот понеделник, за шопинг, Грците имаат на располагање два часа, по претходно испратена смс порака, а поради гужвите, за да имаат повеќе време, некои по неколку пати испраќаат порака, бришејќи ги претходните.
Министерот за дигитална политика Кирјакос Пиеракакис ја отфрли можноста да биде воведена опција за ограничувањето на бројот на испратени смс пораки, но рече дека се разгледува воведување нов систем, преку интернет платформа што точно ќе го мери времето по регистрацијата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање