Грција: Шест острови ги губат даночните олеснувања
Грчката влада објави дека популарните туристички дестинации Миконос, Санторини и Родос ќе бидат меѓу првите острови што ќе ги загубат повластените даночни стапки согласно новиот план за економско заздравување на земјата, пренесува порталот ЕурАктив.
- Од 1 октомври, даночната стапка на промет ќе се изедначи со остатокот на земјата и ќе се применуваат на Родос, Санторини, Миконос, Наксос, Парос и Скијатос, објави грчкото Министерство за финансии.
Грчките острови, голем број од нив без аеродроми и слаби поморски врски со континенталниот дел, во зимскиот период досега уживаа даночни олеснувања на данокот на промет во износ од 30 проценти, пренесе Фена.
Земјата соочена со голем надворешен долг, е принудена да ги укине даночните привилегии на островите во согласност со тешките реформи, кои се дел од договорот со меѓународните кредитори за финансиска помош на Грција.
Данокот на голем спектар производи и услуги веќе е зголемен од 13 на 23 проценти низ целата земја од јули 2015 година.
Следната група острови што ќе ги загубат даничните олеснувања ќе биде објавена на 1 јуни 2016 година и 1 јануари 2017 година, се наведува во соопштението на министерството.
Туризмот е главен дел од грчката економија, а се очекува земјата годинава да оствари рекордни приходи од туризмот.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца