Грција нема издадено никаква нова или дополнителна забрана за влез на македонски државјани
Во Грција и не постои никаква нова или дополнителна забрана за влез на македонски државјани освен постоечките одлуки, јави дописничката на МИА од Атина
Согласно издадената министерска одлука на 14 мај 2020 година, до 15 јуни во Грција е забранет влез за државјани на трети земји, согласно упатствата од Агенција за цивилно воздухопловство, до 14 јуни на полноќ е во сила привремената забрана за летови од и кон Грција за седум држави, меѓу кои и нашата земја, согласно листата од Министерството за туризам на Грција, Македонија е меѓу 29-те земјите за кои од 15 јуни ќе биде дозволен влез во земјата, додека пак според грчкото МНР на 15 јуни ќе се отворат копнените граници на Грција, ова се актуелните, веќе познати и веќе објавени одлуки, јави дописничката на МИА од Атина.
За информацијата објавена во дел од македонските медиуми, во кoи наводно е цитирано соопштение од грчкото МНР дека „до 1 јули забранува влез во Грција за жителите на Тетово, Чаир, Сарај, Бутел, Арачиново, Липково, Куманово, Теарце, Студеничани и Шуто Оризари“, Министерството за надворешни работи на Македонија, преку официјалниот „Твитер“ профил реагираше дека станува збор за лажна вест.
Конкретната „вест“ е пропратна и со фотографија од наводното соопштение од Министерството за надворешни работи на Грција, кое е напишано на грчки јазик меѓутоа со граматички и синтаксички грешки, а најверојатно за преводот е користен „Гугл транслејт“.
Секако, од грчкото МНР, не постои никакво соопштение што се однесува на македонските државјани.
Ново на Сител
-
Џафери: Седница на Советот за координација на безбедносните служби за потребите на изборниот процес
-
„Илијада“ прогласена за најдобра маска на Струмичкиот карневал
-
Вучиќ: Ќе побарам од Владата да им овозможи на опозициските партии увид во избирачкиот список
-
Жена се обидела да прошверцува цигари вредни половина милион динари, фатена на „Прешево“
-
Поради технички проблеми со веб-страницата продолжен рокот за пријавување на дијаспората
-
Путин: Евентуаелен судир помеѓу Русија и НАТО е еден чекор до трета светска војна
-
Велковски: Добив сознанија за 2252 незаконски исплати на средства за социјална помош и пензија
-
Во Чеченија за Путин гласале над 98 проценти од граѓаните