Грција ќе биде меѓу првите европски земји што ќе ги повлече пластичните производи за еднократна употреба
Целта е Грција да биде една од првите земји во Европската Унија што ќе ја повлече пластиката за еднократна употреба, усогласувајќи се со директивите од унијата, изјави министерот за животна средина и енергија на Грција Костис Хаѕидакис, презентирајќи го предлог-законот за намалување на последиците од одредени пластични производи врз животната средина, согласно европските упатства, јави дописничката на МИА од Атина.
Паралелно, Министерството заедно со невладина организација започнува кампања „Грција без пластика за еднократна употреба“.
– Секоја година во Грција се продаваат две милијарди пластични шишиња со безалкохолни пијалаци и вода и повеќе од 300 милиони пластични чаши за кафе. А последицата од сето ова е 50 отсто од отпадот во морето е пластика за еднократна употреба. Јасно е дека проблемот со загадувањето со пластика не е во сферата на имагинацијата, туку е реалност за која се потребни сеопфатни мерки, со реални цели и учество на сите во заедничкиот напор, рече министерот за животна средина и енергија на Грција.
Европските упатства предвидуваат од јули следната година да се забрани продажбата на пластични производи за еднократна употреба како што се: прибор за јадење, чинии, сламки, чаши, производи од стиропор, контејнери за храна од стиропор, стапчиња за уши и слично, а забраната во Грција ќе почне шест месеци порано во јавниот сектор, за како што рече Хаѕидакис, „да му покажеме на светот дека ние го правиме првиот чекор, а зборовите се усогласени со праксата“.
Освен европските упатства, Грција ќе воведе и дополнителни мерки на национално ниво, како што е такса за заштита на животната средина од почетокот на 2022 година, но и санкции и казни за прекршувачите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово