Грчкиот Парламент изгласа намаување на даноците на сопственост и полесно регулирање на долговите
Првиот закон на новата грчка Влада со кој се намалува данокот на сопственост на недвижен имот и предвидува олеснувања во регулирањето на долговите беше изгласан од грчкиот Парламент со широко мнозинство и поддршка од три од опозициските партии, јави дописничката на МИА од Атина.
Со законот, специјалниот данок на сопственост ќе се намали за 22%, намалување кое се однесува без исклучок на сите граѓани, а за во иднина предвидено е дополнително намалување од 30% за мала сопственост.
За оние кои имаат долгови кон државата, според веќе постоечки закон можат да ги регулираат со 120 рати, а по денешното изгласување предвидени се дополнителни олеснувања во однос на месечната рата која се намалува од 30 на 20 евра, каматата од 5% се намалува на 3%, а мерките се однесуваат на оние кои имаат долгови до 1 милион евра.
Грчкиот премиер Кирјакос Мицотакис во неговиот говор пред гласањето рече дека новиот закон претставува предизборна заложба на владата, но и дека законот се однесува на милиион домаќинства и бизниси.
– Земјата ги прави првите стабилни, но сигурни чекори за целосно да го остави зад себе искуството со кризата, рече Мицотакис и додаде дека првите резултати од политиката на владата се веќе видливи за граѓаните.
Денешниот закон е прв што го носи новата грчка влада, а во следните денови Парламентот ќе гласа за уште два други.
Ново на Сител
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата