Грчкиот европратеник од Златна зора, Јоанис Лагос, уапсен во Брисел
Грчкиот европратеник Јоанис Лагос, поранешен член на неонацистичката партија Златна зора, денеска е уапсен во Брисел, откако синоќа му беше одземен пратеничкиот имунитет, тврдат извори од грчката полиција.
Лагос е осуден во Грција на 13 години и осум месеци затвор како еден од водачите на „криминална организација“ и против него е распишана меѓународна потерница.
Според грчки извори, Лагос е „уапсен во Брисел“.
Веста за апсењето на грчкиот европратеник следеше откако синоќа Европскиот парламент му го укина имунитетот. На тајно гласање, 658 пратеници гласаа за укинување на имунитетот, 25 беа против, а десет беа воздржани.
Постапката е покрената на барање на грчките власти, кои мораа да издадат европска потерница по него. Лагос (48) е меѓу 40-те членови на Златна зора кои беа осудени во октомври на маратонското судење, што траеше 5,5 години.
„Јас сум во полициско возило, крадци, атеисти, антигрци ќе ме затворат“, напиша Лагос денеска на Твитер.
Лагос, како и целото раководство на Златна зора, беше во притвор по убиството на антифашистички активист во Атина во септември 2013 година. Беше пуштен на условна казна 18 месеци подоцна, додека го чекаше судењето. Имаше пратенички имунитет од јули 2019 година, кога беше избран во Европскиот парламент како претставник на Златна зора, партијата која ја напушти неколку месеци подоцна.
Лидерот на Златна зора, Никос Михалолијакос, и повеќето осудени се во затвор, но другиот човек на таа организација, Христос Папас, се уште е во бегство.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово