Грчкиот државен долг следната година ќе достигне 343 милијарди евра
Државниот долг на Грција следната година ќе достигне 343 милијарди евра, што ќе претставува негово највисоко ниво, како резултат на одлуката на Владата во Атина за создавање на капитални резерви во износ од 13,7 милијарди евра со цел земјата да може да се врати на пазарите на капитал.
Како што јави атинскиот весник „Вима“, ваквиот долг е предвиден со предлог-буџетот на Грција за 2018 година, кој се очекува да биде усвоен од Парламентот на 22 декември.
Средствата за капиталните резерви се предвидува да бидат обезбедени од Европскиот стабилизациски механизам или преку емисија на државни обврзници, со чија продажба би требало да се покријат доспеаните рати од претходните кредити.
Експертите проценуваат дека на крајот на годинава грчкиот долг ќе достигне 332,8 милијарди евра, што ќе претставува 186,4 проценти од БДП. Предвидувањата се во првите шест месеци од следната година тој да порасне на 343 милијарди евра, што ќе претставува 185,7 проценти од БДП.
Со буџетот за следната година се предвидува економски раст од 2,5 проценти и суфицит на буџетот од 3,82 отсто. Од даноци се очекува да бидат собрани 951 милион евра, а од приватизацијата на јавни претпријатија 2,76 милијарди евра.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација