Грчката Влада сака да подели 1,2 милијарди евра како Божиќен бонус на милион граѓани
- Грчката Влада планира да подели 1,2 милијарди евра на социјално загрозени граѓани и на лица со пониски приходи за Божиќ. Парите се дел од вишокот во буџетот што грчката Влада го оствари, доколку не се сметаат ратите за отплата на долгот кон странство, објави весникот То Вима.
Според весникот, Владата на Алексис Ципрас разгледува дали дел од парите да бидат поделени и на невработените и младите.
Грчките власти веќе најавија дека остварениот примарен суфицит во буџетот ќе им биде поделен на граѓаните. Грција беше принудена да ги скрати пензиите, државните плати и голем број од ваквите годишни бонуси по банкротот во 2009 година.
Пред да се подели Божиќниот бонус, Владата сепак ќе мора да побара дозвола за тоа од меѓународните доверители, а граѓаните ќе мора да поднесат барања, во кои ќе наведат дека ги задоволуваат критериумите кои ќе бидат воспоставени.
Според владините проценки, околу милион граѓани ќе се квалификуваат за тој бонус кој во просек ќе изнесува околу 1.000 евра.
Ново на Сител
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина