Грантови за културни активности за девет граѓански организации
Грантови за градење на капацитети и имплементирање на донесените локални политики за култура во вкупен износ од 84.720 евра добија девет граѓански организации од Скопје, Струмица и Струга во рамки на проектот „Граѓанско учество за локална демократија“.
Проектот е финансиран преку ИПА 2 програмата за граѓанско општество и медиуми 2014-2015 на Европската унија, а го имплементираат Фондација отворено општество – Македонија и ЗГ Центар за развој на локалната демократија (ЦРЛД).
Програмски менаџер за граѓанско општество од Делегација на Европска унија, Ирена Иванова рече дека проектот претставува добра можност невладините организации да ги научат ЕУ правилата и да ги зголемат своите капацитети за имплементација.
- Ваквите проекти се многу битни, бидејќи е очигледно дека граѓанските организации се мост меѓу јавните институции и граѓаните. Тие ги артикулираат нивните потреби и ги унифицираат разноликите политики и помагаат јавните инстуции подобро да ја работат својата работа и служат на граѓаните, рече Иванова.
Посочи дека ова е трета генерација и дека веќе е објавен нов повик за апликанти.
Според проектниот координатор од Фондација отворено општество Македонија, Влатко Петрушевски проектите произлегуваат од стратегиските и акциони планови за култура на општините Струга, Струмица и Центар.
Посочи дека во рамки на проектите, во Струга активностите опфаќаат зачувување на културното и историско наследство, почитување и промовирање на културните вредности и збогатување на културно-уметничкиот живот на општината; во Струмица активности за подигнување и артикулирање на интеграцијата на лица со попреченост во културниот живот, вклучување на маргинализираните групи во областа на културата со цел зајакнување на културното претприемништво и креирање интеркативна културна платформа; во Центар активности за вклучување на лица со попреченост во развој и спроведување на културни содржини, застапување на правата на жените и организирање на културни настани за деца.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто