Границите на САД остануваат затворени поради Ковид-19
Американските граници засега остануваат затворени за меѓународните патници, без оглед дали се вакцинирани или тестирани за коронавирус, соопшти Белата куќа.
– Во оваа фаза важат постојните ограничувања за патување, изјави портпаролката на Белата куќа Џен Псаки, додавајќи дека одлука е поради брзото ширење на делта сојот во САД и во странство.
САД од март 2020 години ги затвори границите и одлуката ќе биде во сила се додека земјите-членки на ЕУ не одлучат да ги отворат своите граници за Американците, под услов да бидат вакцинирани против Ковид-19 или да имаат негативен тест, патниците кои доаѓаат од шенген зоната, од Велика Британија и од Ирска нема да можат да влезат во земјата.
Канада одлучи да ги отвори своите граници на 9 август за американски граѓани и постојани жители на САД кои се целосно вакцинирани. Но, дури и во овој случај, мерката не доведе до реципрочна акција на американските власти.
Вашингтон на почетокот на јуни најави формирање работна група со Канада, Мексико, ЕУ и Велика Британија за решавање на прашањето за меѓународните патувања, сугерирајќи дека може да има олеснување на ограничувањата. Но, не само што тоа не се случи, туку и САД ги зголемија предупредувањата до Американците кои сакаат да патуваат во странство.
Пред една недела, Центрот за контрола и превенција на болести ги советуваше Американците да не патуваат во Велика Британија, а на листата дестинации што треба да се избегнуваат вчера беа додадени Португалија и Шпанија. Американските власти им препорачуваат на патниците да бидат целосно вакцинирани пред да заминат, а истовремено ги предупредуваат дека ризикуваат при посета на овие земји.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април