Гран при за монодрамата „Те чекам злато“ и актерката Јоланта Поденојте
Литванската актерка Јоланта Поденојте е годинашниот победник на Интернационалниот фестивал за монодрама што синоќа заврши во Битола.
Според одлуката на меѓународното стручно жири, актерката Поденојте од театарот во Клајпеда која ја изведе монодрамата „Те чекам злато“ остави најсилен впечаток во конкуренција на монодрамски остварувања на актери од САД, Израел, Ерменија, Бугарија, Хрватска, Албанија, Србија и Македонија.
Согласно востановената традиција, на фестивалот во Битола со гласање беше доделена и награда од публиката која за најдобра ја прогласи монооперата „Дневникот на лудиот“ што ја изведе хрватскиот актер Озрен Грабариќ, а ја режираше битолчанецот Марјан Неќак. За овој заеднички проект на ММТ-Битола и НУ Центар за култура-Битола, публиката даде најмногу гласови, беше истакнато на синоќешното затворање на 18. Интернационален фестивал за монодрама „Битола 2016“.
Во чест на наградените, фестивалската завеса ја суштија актерите од Театар Комедија-Скопје кои ја изведоа претставата „Случајот Хармс“ од Данил Хармс, а во режија на Дино Мустафиќ.
Фестивалот во Битола го организираше националната установа Центар за култура, а како и секоја година така и оваа покровител беше Министерството за култура.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај