Гран при за монодрамата „Контрабас“ со актерот од Азербејџан Шовги Гусеинов
Актерот од Азербејџан Шовги Гусеинов кој на интернационалниот фестивал на монодрама „Битола 2018“ ја изведе монодрамата „Контрабас“ е годинашен добитник на највисокото фестивалско признание, наградата Гран при.
Меѓународното стручно жири, предводено од македонскиот режисер Коле Ангеловски соопшти дека одлуката е донесена за севкупен впечаток, односно изборот на музиката во монодрамата, режијата и посебно, актерското мајсторство на Шовги Гусеинов од Азербејџан.
Меѓународното жири додели и награда за најдобар актер на фестивалот за како што беше посочено, извонредна актерска игра, покажан талент и познавање на актерскиот занает од страна на актерот од Полска, Матеуш Новак.
Според востановената традиција, на свеченото затворање на фестивалот беше доделена награда од публиката која годинава гласаше за хрватскиот актер Тарик Филиповиќ кој во Битола ја изведе монодрамата „Ќиро“.
Интернационалниот фестивал на монодрама 20 години го организира Центар за култура-Битола.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи