Граѓаните на седум муслимански земји непречено пристигнуваат во САД
Државјани од седумте муслимански земји, кои беа опфатени со указот на американскиот претседател Доналд Трамп за забрана за влез во САД, вчера непречено пристигнуваа на аеродромите во земјата, откако федерален судија ја поништи мерката.
Авиокомпаниите во светот им дозволија на граѓаните на Сирија, Ирак, Иран, Судан, Сомалија, Либија и Јемен да се качат на летовите за САД. Адвокат, кој чекаше на њујоршкиот аеродром „Кенеди“ изјави дека лицата, кои поседуваат визи и зелени карти од Ирак и Иран не се соочуваат со проблеми при пристигнувањето.
Властите на аеродромот во Каиро соопштија дека вкупно 33 мигранти од Јемен, Сирија и Ирак се качиле вчера на летови за САД.
Либански медиуми јавија дека на аеродромот во Бејрут им било дозволено на сириски семејства и на други лица од земји опфатени со забраната, да се качат на авиони преку Европа за САД.
Околу 60 илјади визи кои беа поништени со указот на Трамп, се повторно валидни, изјавија американски дипломати.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација