Македонија
20. јуни 2016 - 20:31

Граѓаните му свртеа грб на СДСМ и СОРОС

Долго најавуваниот протест на опозицијата за поддршка на Специјалното јавно обвинителство (СЈО) се претвора во дебакл.
 
Тоа што може да се види на терен е слаб одзив главно на партиски активисти и вработени во општините каде локална власт е СДСМ, кои под притисок се донесени во Скопје.
 
Според информациите од терен, бројот на поддржувачи на СДСМ и СОРОС се движи околу 5.000, далеку помалку од очекувањата на партијата и долготрајната организација.
 
Иако СДСМ имале резервирано преку 150 автобуси, нивното членство во најголем дел одлучило да не даде поддршка на насилствата и деструкцијата, така што од партијата успеале делумно да исполнат само 90 автобуси. Дури и самите активисти признаваат дека со организација на општинските комитети допатувале во Скопје.
 
-Ние сме од Куманово, група со некаде од над 50 автобуси, вели кумановецот кој со организирани автобуси на СДСМ, пристигна во Скопје.
 
На прашањето како разбрале за протестот тој одговори:
 
-Преку Фесјбук, но имаме и контакт преку општински организации, си има контакти и многу порано се знаеше. Чекавме 18-ти да помине ултиматумот, затоа сега сме собрани како што знаете и сами во голем број, рече кумановецот.
 
 
Автобусите се паркирани на неколку локации низ Скопје на булеварите „Партизански одреди“ и „Митрополит Теодосиј Гологанов“.
 
На протестите се забележуваат и лица со фантомки, па голем дел од присутните почнуваат да се плашат дека се можни инциденти.