Граѓаните да патуваат со лиценцирани агенции и да потпишуваат договори
Граѓаните при туристичките патувања да проверат дали агенцијата со која патуваат е лиценцирана и да потпишат договор пред патување за да не бидат измамени, апелираат од надлежните институции.
Од Државниот пазарен инспекторат велат дека полесно е да постапат по преставките кои стигнуваат кај нив доколку граѓаните имаат договор потпишан со агенцијата, програма за патувањето и фискална сметка дека платиле за услугата. Во случаи кога туристичките аранжмани се купуваат онлајн, потребно е поголемо внимание од страна на потрошувачите и проверка дали агенцијата има лиценца А или Б. Тоа може да се провери на веб страницата на Министерството за економија.
– Некогаш на онлајн ќе ви нудат услуга дека одите во феноменален хотел, а кога ќе отидете таму, потоа во поплаките се праќаат фотографии дека буквално нема ниту тоалети. На онлајн може секој да биде нашминкан, а друго е кога ќе отидете во туристичка агенција, ќе потпишете договор и ќе земете програма каква што ви нудат за парите што ги давате, истакна директорот на Пазарниот инспекторат Стојко Пауновски на денешната заедничка прес-конференција со министерот за економија Крешник Бектеши.
Тој вели дека се запознаени со најновиот случај на измамени граѓани преку „Одмори се“ и оти прават напори да го решат случајот, иако во дадената ситуација им се врзани рацете бидејќи нема потпишано никаков договор меѓу потрошувачите и агенцијата и комуникацијата е водена само телефонски, а уплатата е направена на друга жиро сметка.
– Во тек сме со случајот и ќе најдеме решение, но некогаш и самите потрошувачи прават грешки. Комуникацијата е телефонска и правиме напори за да им излеземе во пресрет, но рацете ни се врзани, појасни Пауновски.
Додаде дека има различни предлози околу висината на банкарската гаранција, но оти за големите тур оператори гаранцијата ќе се движи од 50 до 100 илјади евра.
Од Министерството очекуваат законот да биде испратен до Владата на разгледување по претседателските избори.
Ново на Сител
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник