Градоначалникот на општина Ново Село ги повика граѓаните на референдум за рудниците
Градоначалникот на Општина Ново Село, Блажо Велков, денеска преку видео запис ги повика граѓаните на општината масовно да излезат на референдумот што ќе се одржи на 17 септември годинава во врска со работата на рудникот за бакар и злато Иловица-Штука.
- Како ваш сограѓанин и градоначалник ве повикувам масовно да излеземе на референдумското изјаснување во недела, рече Велков.
Советот на општина Ново Село на 14 август 2017 година, донесе одлука за распишување референдум на локално ниво.
Полнолетните граѓани кои се запишани во избирачкиот список може да се изјаснат за две прашања, на две поединечни гласачки ливчиња: „Дали сте за или против отворање на рудникот за бакар и злато Иловица-Штука“ и „Дали сте за или против отворање рудници и рударски комплекси за производство на метални и металични суровини“.
Референдумското изјаснување ќе се врши од 7 часот утрото до 19 часот попладнето.
Општинската изборна комисија Босилово работи на ажурирање на податоците за да излезе со конечна бројка на гласачи и гласачки места.
На 3 септември референдум во врска со рудниците се одржа и во Општина Босилово, но не беше успешен зошто не излегоа потребните 50 плус еден глас, од вкупно запишаните 12.301 гласачи.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари