Град со две имиња и улица кои ги дели Хрватите и Босанците
Индекс - Загреб
Повеќе од 20 години поминаа од војната во БиХ, но нејзините траги и тоа како се присутни. Еден од градбите каде тоа најмногу доаѓа до израз е Горњи Вакуф, т.е. Ускопље, гратче во централнобосанскиот кантон, кое во целост е поделено на хрватска и бошњачка страна, објави телевизијата Н1.
Граѓаните се идентификуваат како „тие‟ и „ние‟, а се во ова гратче е во духот на поделбите: самиот град има две имиња, исто како и средното училиште. Во средното училиште постои кат за Бошњаците и кат за Хрватите. Во центарот на градот има улица која е невидлива граница на хрватскиот и бошњачкиот дел на градот.
„Појдов во општина да барам некои документи. Бидејќи работи една за Бошњаците, а друга за Хрватите. Кога ќе појдеш, одиш таму каде што припаѓаш‟ - вели еден жител.
„Не се луѓето, луѓето не се делат. Само на високи позиции го прават тоа‟ - вели друг жител на поделеното место.
Директорот на поделеното училиште смета дека политиката ги труе родителите, а родителите децата.
„Би сакал децата да се помешаат, секој да зборува на свој јазик, никој нема да одземе нечиј идентитет‟ - смета директорот.
„Понекогаш чувствувам тука некоја мачнина и знам дека се наоѓам на место кое е условено така да чувствувате дека не сте добредојдени и дека можете да очекувате некоја непријатност, но тоа не мора да биде така‟ - смета Аднан Гаврановиќ кој со години се обидува да ги приближи двете страни.
Во градската управа сметаат дека постојат напредоци, а дека најголема кочница е промената на луѓето кои се уште живеат во 90-тите години. За тоа време, тие кои повеќе немаат трпение да чекаат на подобар живот, го продаваат својот имот и заминуваат во белиот свет. Сите се согласуваат дека градот може многу подобро да живее, во прв ред од зимскиот туризам и земјоделието, но за тоа ќе треба да се пружи рака на тие кои живеат од другата страна на улицата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање