Гори Португалија: 57 мртви, луѓе живи гореле во своите автомобили
Најмалку 57 лица загинаа, а 59 се повредени во големиот шумски пожар, кој изби во централниот дел на Португалија, во Педрогау Гранде, соопштија португалските власти.
Најголем дел од загинатите починале во обид од згрозеното подрачје да заминат со автомобил.
Околу 600 пожарникари и 160 противпожарни возила од вчера попладне се обидуваат да ја стават под контрола огнената стихија, која се прошири на неколку фронтови.
Португалскиот премиер Антонио Коста изјави дека ова е најголемата трагедија, што ја погодила Португалија изминатите години.
Тој изјави дека бројот на загинати може да се зголемува и оти приоритет е да се спасат сите оние кои се уште се наоѓаат во опасност.
Секретарот во Министерството за внатрешни работи, Хорхе Гомес изјави претходно дека 22 лица изгореле во своите автомобили, три лица се задушиле, а од 16 повредени, меѓу кои и петмина пожарникари, две лица се здобиле со тешки повреди.
Пожарот им се заканува на неколку населби во областа. Пожарот избувнал во близина на Педрогау Гранде, на околу 200 километри од главниот град Лисабон, вчера околу 15 часот по локално време (14 часот по Гринич).
Температурите во многу области на Португалија се искачија над 40 степени Целзиусови.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка