Македонија
13. October 2017 - 16:10

Гореше куќа во Кавадарци

 

 

Изгоре дел од куќа во пожар кој избувна попладнево во Кавадарци. Во пожарот нема повредени лица.

Командирот на Територијалната противпожарна единица Илчо Богевски информираше дека пожарот е изгаснат, оти било реагирано на време и не било дозволено тој да ја зафати целата куќа.
 

– Не дозволивме пожарот да се прошири на останатиот дел од куќата и соседните објекти. Интервениравме со две противпижарни возила и тројца пожарникари, а на помош ни дојдоа и едно возило со двајца пожарникари од компанијата „Кожувчанка“, соопшти Богевски.

Нагласи дека запалениот објект бил на тешко пристапен терен, а дополнителен проблем претставувале непрописно паркираните возила наоколу.