Горат Скопје, Штип, Демир Капија и Гевгелија - измерени 41 степен
Во Скопје-Зајчев рид, Штип, Демир Капија и Гевгелија до 17:30 часот денеска се измерени 41 степен, соопшти Управата за хидрометеоролошки работи (УХМР).
Според УХМР, температурата во Скопје-Петровец, Прилеп, Виница и Битола е 39 степени, во Струмица и Тополчани 38 степени, во Тетово 37, Ѓуриште, Крива Паланка и Охрид 36, во Берово и Претор 35, во Пожаране 34, а во Маврово и Лазарополе 29 степени.
До крајот на денот ќе биде сончево и многу топло, со мала до умерена облачност и со умерен до засилен југозападен ветер. Во вечерните часови ветерот ќе ја намали брзината.
Утре претпладне сончево и топло со умерена облачност и со слаб до умерен ветер од променлив правец. Попладне и во вечерните часови од север ќе се спушта посвежа воздушна маса што ќе предизвика на повеќе места нестабилно време со поројни врнежи од дожд и појава на грмежи. Локално ќе има услови за појава на невреме. Дневните температури ќе опаѓаат, почнувајќи од северните делови за околу пет степени, а во јужните делови сеуште ќе се задржи многу топло. Минималната темепартура ќе се движи од 16 до 24, а максималната од 31 до 40 степени. УВ индексот ќе биде со вредност осум.
Во Скопје претпладне ќе биде сончево и топло со умерена облачност. Попладне ќе има развој на нестабилна облачност со краткотраен пороен дожд и грмежи. Ќе дува слаб до умерен ветер од северозападен правец. Температурата од 20 до 35 степени.
Во понеделник ќе преовладува променливо облачно и свежо време со локален дожд. Во понеделник и вторник ќе дува умерен до засилен ветер од северен правец, кој ќе предизвика значително опаѓање на температурата, за уште десетина степени. Потоа ќе има стабилизрање на времето, а температурата ќе биде во постепено покачување.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка