Голема победа: Во Грција се враќаат македонските имиња на селата
Нашинците во Грција чекор по чекор добиваат голема битка и ги враќаат македонските имиња на градовите и на селата. Од пред неколку дена во селото Полипотамо стои стариот назив Неред. Табла со македонското име осамна пред влезот на селото, што за Македонците кои живеат во Грција е голем потстрек за да се изборат за сите права како етничко малцинство, пишува Телеграф.
Неред, односно Полипотамо по грчки, се наоѓа во регионот на Лерин и важи за едно од најбунтовните и најмакедонските села во северниот дел на Грција. Најголемата прослава во ова село се случува на 17 август на прославата на празникот Богородица. Пред неколку месеци и славното село Баница си го врати своето име наместо Веви, а пак на таблите кон Македонија наместо Манастири стои Битола.
Политиката на преименување од македонски во грчки имиња во северна Грција почнала во 1918 и траела се до 1925 година, кога биле прекрстени 800 села и градови.
Со преименувањето Лерин станал Флорина, Солун – Тесалоники, Воден – Едеса, селото Овчарани по ново се вика Мелити. Грчки имиња добиле и родното село на Крсте Петков-Мисирков, Постол, кое било преименувано во Пела, Баница во Веви, Сботко во Аридеа, Кутлеш во Вергина, Сеово во Идомени итн.
Ново на Сител
-
Последен ден од кампањата за претседателските избори
-
Парламентарни избори 2024
-
Преглед на вестите од светот
-
Од утре започнува изборниот процес - Во домашни услови ќе гласаат болните и изнемоштените лица
-
Последен ден од кампањата за претседателските избори
-
Тема на денот со лидерот на ВМРО-ДПМНЕ, Христијан Мицкоски
-
Конкурсот за АСЈО повторно пред Уставен, одлука ќе носи вечерва
-
Со куфери и авионски билети приватните специјализанти протестираа пред Министертсвото за здравство