Балкан
11. July 2017 - 9:57

Голем шумски пожар на Закинтос

Во северниот дел на грчкиот остров Закинтос синоќа избувна голем шумски пожар во селото Анафонија, во близина на манастирот Агиос Георгиос.

Регионалниот шеф на одделот за противпожарна заштита на Јонските острови, Ефтимиос Геракопулос информира дека пожарот изгорел 50.000 квадратни метри борова шума, а еден пожарникар бил испратен во болница откако имал вртоглавица и дехидрирал.

Пожарот, за кој се уште не се знае што го предизвикало, го гаснат 26 пожарникари со 16 возила, девет припадници на пешадија, два авиони „Пезетел“  и два канадери.