Голем пожар на грчкиот остров Евиа, дел од населението евакуирано
Во централниот дел на грчкиот остров Евиа од вчера бесне голем пожар, поради што власите спроведоа евакуација на две села и еден манастир.
Поради пожарот затворен е и дел од главниот пат што минува низ остров, а со цел да овозможат побрзо заминување на оние што сакаат да ја напуштат Евиа, властите наредија траект линиите кон Атина да сообраќaат во текот на целата мината ноќ.
Противпожарната служба на Евија, остров што се наоѓа на околу 70 километри северно од Атина, соопштија дека засега нема информации за жртви или опожарени објекти, но оти поради наближување на огнот спроведена е евакуација на жителите на селата Контодеспоти и Ставрос.
Пожарот зафатил голема површина под борова шума и забрзано се шири потпомогнат од силниот ветер.
Во гаснењето на пожарот учествуваат 62 пожарникари со 28 противпожарни возила, како и авиони и хеликоптери.
Ново на Сител
-
Коалицијата Вреди го потсетува Османи на случајот „Пациент“
-
Кумановец избегал од затвор и ограбил продавница во Крива Паланка
-
Зеленски бара помош од запад по рускиот напад врз Чернигов
-
Бојмацалиев од Пробиштип: Годинава бонус плата во МВР од 36.000 денари
-
Даштевски: Училиштата ќе работат во вторник, ќе бидат затворени само просториите со избирачки материјал
-
Тешко повреден 53-годишен пешак на патот Кичево-Охрид
-
ССМ: Во наредните денови ќе го радикализираме протестот
-
До вторник облачно со повремен дожд, а на планините снег