Голден Стејт подобар од Хјустон во дербито на Западот
Клеј Томпсон постигна 30 поени, а ДеМаркус Казнс нанижа рекордни сезонава 27 во победата на Голден Стејт со 106:104 над Хјустон во дербито на Западната конференција.
Така „воините“ ја сопреа серијата од 9 последователни победи на Хјустон, но и двата тима се на чело на своите дивизии, а Голден Стејт ја предводи и целата Западна конференција.
Иако играа без повредената ѕвезда Кевин Дурант, гостите од Сан Франциско брзо ја презедоа иницијативата, покажувајќи како поразот од Феникс ден порано не им влијае. Домаќините заостануваа со 14 поени во почетокот на четвртиот дел, но со тројка на Крис Пол тие намалија до -1 на 10,8 секунди пред сирената.
Стеф Кари беше фаулиран и реализираше два поени од слободни за 106:103 на 6.4 секунди пред крајот, а Џејмс Харден беше фаулиран во следниот напад. Тој постигна само еден од двата „пенали“, Андре Игуадала ја освои топката и шампионот забележа победа.
Харден го заврши натпреварот со 29 поени, 10 асистенции, но со само два прецизни од 12 обиди од тројка.
Вашингтон – Орландо 100: 90
Оклахома Сити – Бруклин 108: 96
Мајами – Детроит 108: 74
Атланта – Мемфис 132: 111
Хјустон – Голден Стејт 104: 106
Феникс-Јута 97: 114
Лидери по дивизии
Источна конференција
Атлантската дивизија: Торонто – 48 победи / 20 порази
Централна дивизија: Милвоки – 51/17
Југоисточна дивизија: Мајами – 32/35
Западна конференција
Северозападна дивизија: Денвер – 44/22
Пацифик дивизија: Голден Стејт – 46/21
Југозападна дивизија: Хјустон – 42/26.
Ново на Сител
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата
-
Променливо облачно со повремен дожд, грмежи и ветер