Џет-Сет
19. December 2015 - 20:30

Голата Миранда Кер на насловна ги разбесни родителите

Манекенката Миранда Кер се појави потполно гола на насловната страница на австралиското издание на магазинот "Harper's Bazaar" за јануари и февруари 2016 година.

На муштериите од ланецот супермаркети Колс тоа им се чинело потполно непримерно, па маркетот од своите полици ги повлекол сите примероци од списанието.

Фотографиите од целосно голата Миранда Кер ги разбесни купувачите поради што списанието Харперс Базар е повлечено од продавниците ширум Австралија.

-Како одговор на реакциите на нашите купувачи, од кои повеќето пазарат со деца, го тргнавме списанието од продажба, стои во соопштението.

Уредничакта на Харперс Базар Кели Хуш изјави разочарување поради таа одлука и непрепознавање на уметничкиот интегритет на фотографиите. Додаде дека фотографијата ја слави женственоста.

-Живееме во ера на ангелите на Викторија Сикрет, украдени голи фотографии и обиди да се „скрши“ интернетот со глетки на реалити ѕвезди во провокативни пози. „Харперс Базар“ секогаш ги славеше одважните жени - некои со визија, преданост, стил о некој кој од ништо не се плаши. Миранда можеби е гола, но таа е пионерка и оваа насловна го слави тоа, изјави Хуш.

Миранда Кер пак откри дека на снимањето не била потполно гола. „Соголена “ е со помош на фотошоп. 

-Носев танга, а во паузите на снимањето носев наметка, и на фотографијата всушност се гледа само мојата кожа, вели Миранда.