Годишнина од раѓањето на претседателот Борис Трајковски
Со полагање цвеќе пред споменикот „Македонија“, подигнат во чест на трагично загинатиот претседател Борис Трајковски, денес беше одбележана 62-годишнината од неговото раѓање.
Пред членови на семејството Трајковски, граѓани, претставници на Советот на општина Струмица, институции, политички партии и здруженија говор одржа градоначалникот на Струмица, Коста Јаневски.
- Претседателот Борис Трајковски сонуваше со отворени очи. Неговиот сон за просперитетна Македонија и за Македонија-членка на ЕУ и НАТО, беше сон поткрепен со силна верба во својата родна татковина. За жал, тој сон беше прекинат на 26. февруари 2004 година, кога во авионска несреќа во близина на Мостар згасна неговиот живот, животите на неговите соработници и членовите на екипажот. Македонија беше завиена во црно, останувајќи без својот претседател кој имаше само 48 години, истакна градоначалникот на Струмица, Коста Јаневски.
Рецитаторите од Домот за деца и млади ги прочитаа творбите од наградниот литературен конкурс на тема „Сите заедно споделуваме една иста судбина наречена Македонија“ распишан од Библиотеката „Благој Јанков Мучесто“ од Струмица.
Вториот претседател на Република Македонија, Борис Трајковски, е роден на 25 јуни 1956 во селото Моноспитово. Тој е близнак со брат му Александар и е трето дете во семејството.
Од тројцата браќа Трајковски жив е само најстариот, Мојсеј.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово