Македонија
28. January 2017 - 11:27

Годишен концерт на Фолклорниот ансамбл „Тиквеш” од Кавадарци

Годишен концерт одржа синоќа Фолклорниот ансамбл „Тиквеш” од Кавадарци, во салата на Домот на културата „Иван Мазов-Климе“ во овој град. Станува збор за традиција која се негува со години.

- Ова е уште еден културен настан од музичко-сценската дејност. Голема благодарност до кавадаречкиот Ротари клуб, затоа што издвои околу четири илјади евра за реновирање на салата во која вежбаат членовите на ансамблот, рече Владимир Темков, директор на Домот на културата.

Гости на вечерта беа членовите на Културно-уметничкото друштво „Ѓердан“ од Охрид.

Концертот се реализираше во организација на културниот дом во чии рамки работи ансамблот, а со поддршка на кавадаречката локална самоуправа. 

Ново на Сител