Го испушти свршеничкиот прстен во езеро, па доби 3,5 милиони прегледи на Тик-ток
Британец реши да ја запроси својата девојка покрај езеро, но при судбоносниот чин, свршеничкиот прстен му падна во водата, додека пријателите сѐ тоа го снимале…
Рос Бамбер (26) ја запознал својата свршеница Гери Ешфорт пред пет години додека работеле заедно во старечки дом. Дошло време за „големото прашање“, па тој отпатувал со неа до едно езеро во Норфолк, во Источна Англија, клекнал на платформа од даски над езерото, пред својата сакана и ја прашал дали таа сака да му биде сопруга… Но, работите не се одвивале според планот. Кога го отворил кутивчето, прстенот паднал низ празнина на подот и потонал во водата.
– Кажи ми дека не е тоа што мислам!, извикна Гери покривајќи си ги очите со рацете.
Прстенот чинел 1.000 фунти (1.161 евро). Бамбер брзо се снашол, па го пополнил калапот со друг прстен што нејзе веќе ѝ бил на прстот, па девојката одговорила – да.
Следниот ден, тој ѝ купил друг прстен. Потоа, се вратиле на истото место и ја повториле сцената, но овојпат – успешно. Британецот вели дека сѐ уште се надева дека ќе го најде првиот прстен.
– Разговарав со сопственикот на езерото и тој рече дека со задоволство ќе ни помогне да го најдеме прстенот. Гери беше многу вознемирена поради тоа што се случи, изјави Рос.
Видеото од несреќниот прв предлог на Тик-ток собра повеќе од 3,5 милиони прегледи.
Ново на Сител
-
Се гради секундарна водоводна мрежа во повеќе населени места во Македонска Каменица
-
Трамп повеќе од 440 пати се повикал на уставното право да не дава одговор на обвинителството
-
КЗБ очекува до крајот на неделата да има разрешница со првиот суспектен случај на мајмунски сипаници кој одбива да се тестира
-
МОН: Учебната година започнува на 1 септември, во тек подготвителни активности за успешен старт
-
10 починати и 600 нови случаи на Ковид-19
-
Негативен на мајмунски сипаници мигрантот хоспитализиран на Инфективна
-
Во Штип и Свети Николе четири граѓани каснати од кучиња скитници
-
Претрес во Битола, приведен дилер на хероин