Глутници кучиња напаѓаат во станбениот комплекс Блок 70
Неодговорни сопственици ги оставаат своите кучиња без надзор, па тие напаѓаат луѓе и други миленици како и бездомни кучиња во станбениот комплекс Блок 70, алармираат тамошните жители и бараат начин на надминување на состојбата.
Според објавите на социјалните мрежи станува збор за повеќе видови кучиња кои иако се со ремчиња се пуштаат и се движат и како група.
-Има акита, хаска, и други видови домашни миленици кај кои се заблежуваат ремчиња, велат граѓаните во групата Бездомни животни на социјалната мрежа Фејсбук.
Чести се нападите врз луѓето, па се чувствува небезбедност.
-Во Блок 70 жена е нападната, фудбалер на Шкендија. Ова е чопорот што напаѓа, повеќето се домашни миленици, ама со неодговорни сопственици кои ги пуштаат без надзор. Од истите страдаат и улични кучиња но и ние не можеме со нашите миленици да излеме надвор затоа што се агресивни, пишуваат тетовци.
Долго време и бездомните кучиња се проблем за тетовци. Често пати и во полицијата се пријавуваат нападите и каснувањата од кучињата.
Од мај 2019 година досега има објавено три тендери со цел за згрижување и третирање на кучињата скитници во општината.
Во јули годинава тетовската градоначалничка Теута Арифи изјави дека општината годинава не планира повеќе средства за справување со бездомни кучиња. За посеопфатно и системско работење преку соодветна служба или институција, градоначалничката Теута Арифи не размислува да направи како општина туку во склоп на полошкиот плански регион.
Ново на Сител
-
14 починати и 307 нови случаи на Ковид-19
-
„М Кар“ одбележува 5 години успешна приказна увозник и диструбутер на брендовите BMW и MINI
-
Мицкоски: Секој граѓанин има право на избор, дали ќе апстинира или ќе им отвори врата на попишувачите
-
Тутунарите интензивно ги пријавуваат вишоците, се бара откуп и во сабота
-
На грчкиот остров Закинтос пронајдени 800 килограми експлозивен материјал
-
Судот прифати дополнителни докази за случајот „Таргет – тврдина“
-
Царовска: Најголем дел од средношколците се подготвуваат за матура, нов концепт од следната година
-
Задолжителен седумдневен карантин за сите кои пристигнуваат во Грција