Фудбал
14. April 2017 - 14:59

Ѓорѓевски ќе го суди дербито Силекс - Вардар

 
 Во фудбалскиот шампионат на Македонија, поради велигденските празници, наместо вообичаено во недела  утре ќе се играат средбите од 27.коло во Првата лига. 
 
Дербито е во Кратово, каде Силекс ќе го пречека составот на Вардар, а главен судија на оваа средба ќе биде Далибор Ѓорѓевски од Куманово. Нему ќе му помагаат, Никола Караколев од Штип и Никола Божиновски од Скопје. 
 
Почетокот на натпреварот Силекс – Вардар е закажан за 16 часот, термин во кој ќе се играа останатите четири среди, а во кои ќе се сретнат: Македонија ЃП – Шкупи, Пелистер – Шкендија, Ренова – Победа и Работнички– Брегалница дуел кој ќе може да го следите низ директен пренос на Сител 3 телевизија 
 
Табела: Вардар 62 бодови, Шкендија 51, Работнички 43, Пелистер 37, Силекс 35, Ренова 32, Шкупи 28, Победа 23, Македонија ЃП 18 и Брегалница 17.