Loading Video...
Тенис
15. July 2018 - 17:33

Ѓоковиќ го освои Вимблдон

Новак Ѓоковиќ по четврти пат е победник на Вимблдон. 
 
Србинот кој годинава беше дури 12-то рангиран во финалето за само 2  час и 20 минути игра, во три сета го победи Кевин Андерсон од Јужна Африка.
 
Првиот сет Ѓоковиќ го доби експресно за само 29 минути игра со 6-2, а исто беше и во вториот откако уште на стартот направи бреј, а подоцна и уште еден, па сетот го доби со 6-2. 
 
Во третиот сет јужноафриканскиот тенисер одигра многу поквалитетно, но тоа не беше доволно, па Ѓоковиќ го доби во тај-брејк со 7-3 на поени, за конечни 3:0 во сетови.
 
За него ова беше вкупно 22-ро финале на Гренд-слем турнирите, а петто на Вимблдон. Единствениот пораз во дуелот за трофејот во Лондон, Србинот го има претрпено 2013 година кога во три сета загуби од Енди Мареј. 
 
За него ова е четврти трофеј на овој турнир (2011, 2014, 2015), а вкупно 13-ти на турнирите од „големата четворка“. 
 
За 32 годишниот Андерсон ова беше само второ финале на Гренд-слем турнирите. Во првото лани (2017) загуби од Рафаел Надал со 3-0 на УС Опен.