Гимнастичарот Стојан Анастасов доби спортска стипендија од Општина Кочани
Гимнастичарот Стојан Анастасов, член на клубот за гимнастички спортови „Кочани“, е овогодишен добитник на стипендијата за спортист – спортска надеж што ја доделува локалната самоуправа на Кочани.
Во образложението на општинската комисија која одлучувала за доделување на финансиската поддршка стои дека според остварените спортски резултати во 2018 година, Анастасов има најмногу бодови од пријавените кандидати и е прв на ранг листата.
– Гимнастичарот Анастасов лани учествувал на повеќе национални гимнастички натпреварувања на кои постигнал одлични резултати за што има осовено повеќе признанија. Комисијата ја разгледуваше неговата работа и во текот на изминатите години и оцени дека тој заслужува да ја добие општинската стипендија, чиј месечен износ е три илјади денари, истакна Голубина Ѓоргиева од одделението за јавни дејности на Општина Кочани.
Финансиската поддршка се доделува осма година по ред за да им се помогне на младите таленти во понатамошната спортска кариера на државно и на меѓународно ниво.
Според правилникот за стипендирање, исплатата ќе почне од април и ќе трае заклучно со септември, а средствата се обезбедени од Програмата за спорт на Општина Кочани, за стимулирање на млади спортисти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка