гевгелиска Блокотехна ќе игра во БИБЛ лигата

Новиот гевгелиски прволигаш Блокотехна ќе биде македонски претставник во јубилејното десетто издание од регионалната БИБЛ лига.

 

Информацијата ја потврди раководството на ова натпреварување на својата официјална интернет страница. Во следните денови се очекува БИБЛ лигата да го објави конечниот список на учесници меѓу кои ќе биде и Блокотехна.

 

Гевгеличани првично најавија дека ќе се натпреваруваат во Втората АБА лига, но по стручните анализи проценето е дека тоа би бил преголем залак за клубот кој е во подем и дека е подобро претстојната сезона да се учествува во БИБЛ лигата. Засега не се знае дали Македонија ќе има уште некој претставник во ова натпреварување