Македонија
19. September 2017 - 11:48

Гевгелија издвои 3,6 милиони евра за капитални проекти

Општина Гевгелија во изминатите четири години вложила повеќе од 3,6 милиони евра сопствени средства во изградба на капитални проекти со кои значително се подобрени инфраструктурата и услугите кон граѓаните, соопштија денеска од информативната служба на општина Гевгелија.

- Најголемиот дел од средствата наменети за реализација на овие проекти беа обезбедени од општинската каса. Од нив по 1,3 милиони евра беа инвестирани во новиот пазар и патната инфраструктура на граничниот премин „Богородица“, повеќе од половина милион евра беа потрошени за пробивање на Западниот булевар и уште половина милион евра беа инвестирани во новата автобуска станица и изградбата на заштитниот канал „Рауљ“, велат од секторот за односи со јавноста.

Согласно потпишаните договри, до крајот на оваа година треба да бидат предадени во употреба пречистителната станица и новиот водоснабдителен систем, проекти кои заедно тежат 11,4 милиони евра. Покрај ова веќе почна изградбата на „Конска брана“, а во тек е и тендерот за изградба на времената санитарна депонија за комунален отпад.