Гевгеличани од денеска пијат вода од новиот водоснабдителен систем
Во водоводната мрежа на регионалниот водовод во Гевгелија од денеска тече вода за пиење од новиот водоснабдителен систем со што жителите од општината ќе пијат здрава и квалитетна вода, нагласи градоначалникот Сашо Поцков на денешниот прес со новинарите.
Анализите на физичко хемискиот состав на водата за пиење што ги направи Институтот за јавно здравје, посочи Поцков, покажаа дека во водата воопшто нема арсен и дека водата одговара на законските и стручни прописи во однос на испитаните параметри кои потврдуваат висок степен на здравствена безбедност на водата.
– Во моментов од бунарите во Мрзенска ада се испумпуваат 180 литри вода во секунда, а тоа значи дека се обезбедени доволни количини вода за граѓаните на општина Гевгелија, како и за жителите на Селемли и Стојаково од општина Богданци кои ја користат водата за пиење од регионалниот водовод во Гевгелија, рече Поцков.
Целокупниот мониторинг и управување со системот е автоматизирано и го вршат обучени лица од јавното претпријатие „Комуналец“. Општина Гевгелија, потврди Поцков, не се откажува и од бунарското подрачје Моин каде во тек е испитувањето за најповолната постапка за деарсенизација на водата за пиење.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.