Германски виролог предупредува на втор бран на коронавирусот во зима
Истакнатиот германски виролог Кристијан Дростен предупреди за втор бран на коронавирусот што може да се појави во зима.
Раководителот на берлинскиот институт за вирологија во изјава за австрискиот јавен сервис ОРФ, рече дека пандемијата не треба да се смета за поразена.
– Ние сме во средина на развојот на ситуацијата, ако не и на почеток, изјави Дростен.
Зборувајќи за различните начини на борба, за постепеното олабавување на мерките што веќе се применува во Австрија, тој рече дека Австрија била построга во своите мерки од Германија.
Во врска со Шведска, која одеше по сопствен пат, тој рече дека таму постои закана за промена на ставовите поради зголемувањето на бројот на смртни случаи.
– Можеби деновиве гледаме благ показател за повторно зголемување на нови инфекции, рече Дростен, велејќи дека тоа се должи на велигденските празници кога граѓаните, и покрај потребата за социјална дистанца, не се придржуваа толку строго на мерките.
Тој советува луѓето колку што е можно подолго да се задржуваат под ведро небо, а не во затворени простори, бидејќи на отворено има многу малку шанси за инфекција.
Дростен го спореди новиот коронавирус со шпанскиот грип.
Според него, оваа пандемија не може да се спореди со сезонскиот грип.
Дростен очекува релаксација во текот на летото, но зимата би можела да донесе втор бран, кој би можел да биде и посилен од сегашниот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово