Свет
25. October 2015 - 19:28

Германската полиција употреби водени топови против левичарите

Германската полиција употреби денеска на антиисламските протести во Келн, водени топови против група левичари, за да спречи да се приближат кон десничарите коиги организираа тие протести.

Собирот го обезбедуваа околу 3.500 полицајци под целосна опрема, кои повремено мораа да реагираат за да ги спречат левичарите и десничарите да предизвикаат општа тепачка.

Околу 10.000 луѓе, меѓу кои беа семејствата со деца, излегоа на улиците со плакати на кои пишуваше „бегалци добредојдовте“, протестирајќи на тој начин поради одржувањето на десничарскиот собир на групата „Хулихани против салафисти“, на кој се собраа 1.000 луѓе.