Германија повторно побара Ердоган да не говори пред Турците за време на самитот Г-20
Германската Влада го повика турскиот претседател Реџеп Тајип Ердоган да ја уважи нејзината молба да не зборува пред Турците кои живеат во Германија, за време на неговиот престој на Самитот на Г-20 во Хамбург.
Со необичано строг тон, што ја покажува лошата состојба на билатералните односи, портпаролот на германското Министерство за надворешни работи, Мартин Шефер изјави дека дури и појавата на Ердоган во турскиот Конзулат или преку видео врска „би била навреда за јасно изразената волја на Владата и нарушување на германскиот суверенитет“.
- Настани од таква природа треба да бидат претхдно побарани од надлежните органи, рече Мартин Шефер на прес-конференција, откако беше запрашан за „гласините“ дека Ердоган сепак би можел да зборува пред турската заедница и покрај молбата на Берлин.
Според портпаролот Шефер, Германија не може да му забрани на Ердоган да зборува во турскиот Конзулат, но има можности да влијае на ваков начин.
Шефот на германската дипломатијата Зигмар Габриел, минатата недела изјави дека не сака турските внатрешни конфликти да се разгоруваат меѓу турската заедница во Германија, очигледно мислејќи на длабоките политички подлеби во Турција.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува