Германија очекува долг период на тероризам
По нападите во Брисел и апсењето на тројцата косовски државјани кои, според германското обвинителство, планирале терористички напади на југот од Германија, и во оваа земја расте стравот од терористички напади.
-Треба да очекуваме долг период на терористички активности. Лондон, Мадрид, Париз, сега Брисел. Ниту германските градови нема да бидат поштедени на долг рок. Досега имавме среќа, вели првиот човек на германскиот полициски синдикат Рајнер Вент за весникот „Пасауер Ноје Пресе“.
Според германскиот министер за надворешни работи Томас де Мазиер, најдобар лек за терористичките напади е подобрување на размената на информации. За вестите на телевизијата РТЛ, Мазиер вели дека е потребна поврзаност за сите извори на информации.
-Главен проблем е што сега постојат засебни дата бази на податоци, за визи, за истраги и за патници во авиосообраќајот. Мора да ги поврземе овие податоци, вели Де Мазиер, според кого во моментов размената на податоци е поважна од тајноста на личните податоци, што поради долгата историја на темелно следење од страна на нацистичките служби и подоцна од страна на „Штази“ во источна Германија е посебно важно човеково право во германскиот политички систем.
Според министерот, со оглед на ситуацијата со тероризмот заштитата на личните податоци паѓаат на дното на листата на приоритети.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.