Германија нема да дозволи „Европа а ла кард“ по Брегзит
За Германија главен приоритет во преговорите за заминување на Велика Британија од ЕУ треба да биде единството на преостанатите земји членки, дури ако тоа предизвика негативни финансиски состојби. Ова е содржано во партиски документ на германските Социјалдемократи, јавува дописникот на МИА од Берлин.
- Ако дозволиме „Европа а ла кард“ односно Унија во која што сите ќе добиваат се што ќе посакаат, тоа ќе доведе до неконтролиран домино ефект, којшто ќе биде закана за единството на Унијата, се вели во документот, кој го објавува германските медиуми, а е подготвен од експерти на СПД, која што е дел од владината коалиција во Берлин .
Документот насловен „Засилување на кохезијата на ЕУ - клучни точки во преговорите со Велика Британија“, содржи предлози за начинот на кој што треба да се водат преговорите со Лондон и сугерира сите аранжмани со Британија по нејзиното заминување од ЕУ да бидат краткорочни и поврзани со исполнување на услови поставени од Брисел.
За документот неделава треба да расправа и парламентарната група на СПД во германскиот Бундестаг. Германската влада инсистира што е можно побрзо Лондон да почне со процесот на заминување од ЕУ условувајќи го притоа учеството на Велика Британија во заедничкиот европски пазар со слободниот проток на луѓе, капитал и стока.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.