Германија ќе почне со вакцинирање на населението против Ковид-19 на 27 декември
Германија ќе почне со вакцинирање на населението против Ковид-19 на 27 декември каде прво ќе се вакцнираат во домовите за стари лица, соопштија здравствените власти.
Одлуката е донесена на состанокот на сојузниот министер за здравство Јенс Шпан и неговите колеги од 16-те германски провинции.Шпан ги информираше учесниците на состанокот за претстојното одобрување и испорака на вакцината изработена од компаниите Фајзер и БиоНТех.
Вакцинацијата низ цела Европска унија, каде Германија сега има ротирачко претседателство до крајот на годината, веројатно ќе почне на 27 декември.
Под германски притисок, Европската агенција за лекови вчера објави дека ќе донесе одлука за одобрување на вакцината на Фајзер/БиоНТех на 21 декември – една недела порано од планираното.
Институтот Роберт Кох соопшти за рекорд на смртни случаи во Германија од 952 лица поврзани со коронавирусот во последните 24 часа. Бројот на новоинфицирани е близу 28 илјади.
Вкупно скоро 23.500 луѓе починаа во Германија од компликации предизвикани од коронавирусот. Заразени се скоро милион и 380 илјади луѓе.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп