Германци бараат постхумен орден за полскиот возач убиен од Амри
Над 35 илјади Германци досега се потпишаa на петицијата со која од германските власти се бара постхумно да му додели орден на полскиот возач со чиј камион Тунижанецот Анис Амри изврши напад, во кој во Берлин загинаа 12 луѓе.
Германската полиција по нападот во Берлин објави дека Полјакот Лукаж Урбан пред да биде застрелан од Амри се обидел да го спречи терористот во неговата намера и со тоа спасил голем број животи.
Потписниците на петицијата на интернет апликацијата Change.org од германските претседател Јоаким Гаук бараат Урбан да добие Сојузен крст за заслуги кое што е највисоко признание кое се доделува на цивили, јавува дописникот на МИА од Берлин.
Во исто време пратеникот од партијата на „Зелените“ Омид Нурипур од министерот за надворешни работи Франк Валтер Штајнмаер побара Урбан да добие орден за заслуги.
Во образложението дадено на Change.org за петицијата се вели дека според извештаите аутопсијата покажала дека Урбан се борел со Амри при што бил тешко повреден и најверојатно застрелан
„Со овој херојски акт тој спасил многу животи и за тоа херојство тој заслужува највисок германски орден“, велат иницијаторите на петицијата.
Според се уште неофицијалните информации Амри успеал да го преземе камионот на Урбан неколку часа пред нападот за време на кој Полјакот бил држен на совозачкото седиште.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228