Генимата повика Македонија да не добие сега покана за членство во НАТО
Лидерката на Движењето за промена, Фофи Генимата, преку интервју за грчката телевизија Алфа упати повик Македонија сега да не добие покана за членство во НАТО, туку откако ќе се завршат сите обврски предвидени во Договорот.
- Јас сакам, па дури и сега, во последен момент, да упатам повик, да не постои сега покана за Скопје. Да има одлука дека ќе бидат повикани со завршувањето на процесот што треба да го завршат. Но, да не се даде поканата сега, бидејќи ќе се најдеме пред свршен чин. Нашата земја не треба сега да ги даде сите нејзини адути, без да бидеме сигурни дали другата страна ќе успее да ги заврши сите обврски што ги има преземено, рече Генимата во интервјуто.
Претседателката на Движењето за промени смета дека постои простор, па дури и во последен момент за подобрување на Договорот од Преспа и објасни дека нејзината партија, уште од прв момент истакна две работи поради кои не можат да го поддржат решението меѓу Македонија и Грција, јави дописничката на МИА од Атина.
- Прво е опасноста да се најдеме пред свршен чин во врска со НАТО и сега е критичниот момент. Второ, дека секако постои сложено име со географска одредница, но реално не постои ерга омнес, кога владата дава македонска националност и македонски јазик. Овие работи, сами по себе го задржуваат јадрото на иредентизмот, а со тоа, не затвораат стари сметки, туку отвораат нови. Овие се опасностите и затоа предупредуваме. Постои простор за подобрување на Договорот. Пред нас е средбата во НАТО, пред нас е ревизијата на Уставот во Скопје, истакна Генимата за грчката телевизија Алфа, пренесе МИА.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово