Генерален штрајк на синдикатот на вработените во јавниот сектор во Грција
Генерален 24-часовен штрајк започна утрово Синдикатот на вработените во јавниот сектор во Грција поради новиот закон за работни односи, што денеска ќе се гласа во грчкиот Парламент, а паралелно закажани се и протести, јави дописничката на МИА од Атина.
Грчките синдикати, минатата седмица одржаа масовни демонстрации, а денешниот 24-часовен штрајк на Синдикатот на јавниот сектор и неколкучасовниот прекин со работа на Синдикатот на вработените во приватниот сектор е поради гласањето на законот.
За непречено да се одржат испитите од државната матура, од штрајкот ќе бидат исклучени професорите, а вработените во јавниот превоз во Атина ќе учествуваат со неколкучасовен прекин на работата, откако нивниот 24-часовен штрајк, атинскиот суд го прогласи за незаконски.
Новинарите и вработените во медиумите имаат четиричасовен прекин на работата од 14 до 18 часот.
Иако ставот на Владата е дека новиот закон за работни односи предвидува одредби кои се во корист на вработените, сепак освен синдикатите, против се и сите опозициски партии.
Портпаролот на СИРИЗА Насос Илиопулос на брифингот со странските дописници во Грција истакна дека тие, кога ќе дојдат на власт, веднаш ќе го поништат конкретниот закон.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок